Многу обожаватели шпекулираат дека ова е почеток на нова љубовна врска на популарната ријалити ѕвезда.
Ким Кардашијан и Пит Дејвидсон се фотографирани како се држат за раце додека се возеле на ролер костер на „Knott’s Scary Farm“ во Буена Парк, Калифорнија, каде се забавувале во пресрет на Ноќта на вештерките.
Откако папарацо фотографиите на кои се држат за раце го обиколија светот, многу фанови шпекулираат дека ова е почеток на новата љубовна врска на популарната ријалити ѕвезда.
Ким и Пит беа во друштво на Кортни Кардашијан и нејзиниот вереник Тревис Баркер. Кога станува збор за љубовниот живот на познатиот комичар, многу познати дами не можеа да одолеат на шармот на Пит Дејвидсон.
Фотографиите може да ги погледнете ТУКА!
Имено, познатиот комичар беше во врска со пејачката Аријана Гранде, актерката Кејт Бекинсејл и манекенката Каја Гербер, а неодамна ја прекина врската со актерката Фиби Диневор, ѕвездата на серијата „Бриџертон“.
Да се потсетиме, Ким и Пит неодамна се бакнаа во скеч во живо на NBC. Нивното познанство датира од јануари 2019 година, кога заедно присуствуваа на роденденската забава на Кид Куди, на која Ким дојде во друштво на нејзиниот поранешен сопруг, раперот Канје Вест.