Ким Кардашијан неодамна беше фотографирана со своето ново момче, комичарот Пит Дејвс, а се чини дека нејзиниот поранешен сопруг Канје Вест сака да се врати дома и да се смири со старлетата.
Имено, судејќи по нејзиното однесување откако се појавија гласините за развод, се чини дека Ким не се обидува да се прикаже како тажна жена, која страда по разводот. Сепак, се чини дека токму тоа му пречи на нејзиниот поранешен сопруг, па изјавил дека има доверба во Божјата помош, која повторно ќе го спои со семејството, пренесува „Page Six“.
Слободниот живот како да му одговараше на Канје, кој се впушти во низа лудости, од кои најголема беше албумот „Донда“, но изгледа дека и понатаму страда за поранешната сопруга. Раперот неодамна одржа говор во Лос Анџелес додека им се обраќаше на бездомниците во „Скид Роу“, најсиромашниот дел од градот, а во таа прилика рече:
– Бог сака да видите дека се може да се искупи. Во сите овие односи правевме грешки. Направив грешки. Јавно правев работи кои не се соодветни за сопруг, но денес сум тука да ја сменам таа приказна. Ако непријателите можат да ја разделат „Кимје“ (Ким и Канје), милиони други семејства ќе видат дека е во ред ако се разделат… Но, кога Бог, кој веќе победи и ќе продолжи да победува, повторно ќе ја обедини „Кимје“ (Ким и Канје), милиони семејства ќе бидат инспирирани од ова и ќе видат дека можат да ја надминат разделбата, траумата што ѓаволот ја користи за да ги држи луѓето во очај додека другите луѓе ги газат бездомниците додека одат во продавницата на Гучи.
Не е доволно да се каже дека најновиот потег на Канје изгледа го игнорира фактот што Ким неодамна е видена во романтична прошетка со Пит Дејвидсон, што е повеќе од доволно за да проработи суетата на Канје Вест.
– Морам да бидам со моите деца колку што можам. Кога си отидов од куќата, купив куќа во соседството. Давам се од себе да бидам блиску. Сакам да го изразам тоа на најсоодветен начин, но морам да се вратам дома, изјави Канје.
Да се потсетиме, Ким и Канје се венчаа во 2014 година, а парот од бракот има четири деца, две девојчиња Норт и Чикаго и две момчиња Сент и Псалм.
