Крокетите од карфиол може да се послужат како вкусна закуска со вашиот омилен крем или сос на база на домати и гарнир за фина зимска чорба. Можете да ги завиткате во сланина, па дури и да ги послужите за појадок со јајца. Наместо пченично брашно, слободно користете поздрава варијанта како бадемово.
Состојки за крокети од карфиол:
1 главица карфиол
1 големо јајце
1/2 главица кромид
1/4 чаша рендан пармезан
1/4 чаша рендан чедар
1/4 чаша брашно
сол и црн пипер
Подготовка:
1. Загрејте ја рерната на 200 Целзиусови степени. Одделете ги цветовите од карфиолот и варете ги на вода или на пареа додека не омекнат толку многу што лесно можете да ги прободете со вилушка. Префрлете го во блендер и кратко измешајте додека не се претвори во ронлива смеса. Префрлете на чиста крпа и исцедете што повеќе вода.
2. Кромидот се сечка што е можно поситно и се меша со јајцето, двата вида сирење, карфиолот, солта и биберот. Постепено додавајте околу четвртина чаша брашно мешајќи со шпатула додека смесата не стане доволно компактна за да се обликува. Оставете 10 минути.
3. Од смесата се формираат крокети долги околу 2,5 см. Во плехот ставете ја хартијата за печење, подмачкајте ја и во неа ставете ги крокетите задржувајќи растојание. Печете ги околу 20 минути, а потоа превртете ги и печете уште 10 додека не поруменат.
4. Распоредете ги крокетите и послужете ги со омилениот крем сос или кечап.