Како и во сѐ друго во животот, така и во љубовта постојат одредени правила.
Пред да започнете нова врска, проверете дали знаците за кои укажуваме не се однесуваат на вас. Меѓутоа, ако препознаете некои од дадените знаци во себе, би било мудро да одвоите уште малку време додека не ги решите спорните прашања.
Несреќни сте
Ако навистина не се чувствувате доволно среќни со себе, не можете да очекувате да најдете среќа со некој друг. Нашата вистинска среќа доаѓа одвнатре и ако не сте задоволни со себе, вие всушност ја користите личноста со која сакате да стапите во врска. Можете лесно да проверите дали тоа е случај со вас – само размислете дали размислувате за одредена личност, освен кога сакате да одите на забава, на шопинг или во спа центар.
Не сте го преболеле бившиот
Ова е секако еден од најочигледните знаци дека не сте подготвени за нова врска. Ако неодамна сте раскинале со вашето момче и се уште имате силни чувства кон него, нема смисла да се обидувате да ги потиснете тие чувства во нечија прегратка. Потребно ви е време за да ги согледате вашите чувства, да се расчистите со бившиот во вашата глава и да започнете нови љубовни авантури со полесно темпо. Не постои одредено време колку долго имате право да тагувате, затоа не брзајте.
Многу сте зафатени
Ако штотуку сте дипломирале и сте примени на вашата прва работа, додека правите уште неколку проекти на страна за да си обезбедите дополнителни пари, би можеле да размислите колку време всушност имате во дадениот момент за нова врска. Иако можеме да најдеме време за се, ако навистина се грижиме, важно е да бидете искрени со себе и да ги видите вашите чувства кон одредена личност. Ако имате впечаток дека би морале да ги откажете состаноците со него поради други обврски, можеби е подобро малку да го расчистите распоредот.