Парис Хилтон (40) и Картер Реум (40) си ветија вечна љубов на имотот на покојниот дедо на Парис, Барон Хилтон во Бел Ер, по неколкудневно одложување и промена на плановите за тоа каде ќе се одржи венчавката.
Сè додека најпознатата наследничка на планетата не не почести со сите детали, еве го единственото нешто што се знае …
Прославата треба да трае три дена, а започна со дочек на луксузен имот, потоа славење во карневалски дух на пристаништето, а потоа класична веселба пропратена со елеганција.
Медиумите наведуваат дека Парис неколку пати се пресоблекла, а досега на Инстаграм покажа само една фотографија во венчаница на која се гледа само велот.
Според некои шпекулации, дизајнот на нејзината главна венчаница, бидејќи се планира да носи повеќе од нив, ја потпишува или Валентино или Оскар де ла Рента. Нејзините претставници за печатот негираа дека Валентино ќе биде задолжен за централната венчаница, но папараците неодамна ја забележале Парис со сестра ѝ Ники во една од продавниците на оваа куќа, а познато е дека сестрата на Парис се омажила во моделот на споменатата марка.
Нејзини деверици се Хали Хамонд, Теса Фрефин фон Валдердорф, Витни Дејвис, Фара Анџуфри, а сите носеа розови фустани од Алис + Оливија. Ноќта пред венчавката Парис ја поминала во согласност со традицијата со нејзината мајка Кети.
Со оглед на тоа што Парис со години се занимава со диџејство, многумина очекуваа таа барем во еден дел од свадбата да ги забавува гостите, но таа претходно најави дека најверојатно нема да може лично да пушта музика поради брзањето и стресот.
Папараците фотографираа голем број познати личности кои пристигнуваат на прославата на Париз и Картер, а на списокот на гости се и Ким Кардашијан, Крис Џенер, Рејчел Зои, Ема Робертс и многу други …
