До 40-та година можеме да експериментираме со трендовите и стиловите, а после тоа би било добро да се свртиме кон класиците и докажаните модни формули.
Со овие парчиња нема грешки и секоја жена со стил мора да ги најде во гардеробата. Тие можат да се носат со години и никогаш нема да излезат од мода. Кога ги купувате, не жалете за парите:
1. Класично сако
Ова парче е секогаш популарно, а оваа сезона е на самиот врв на листата. Може да се носи во безброј прилики, и се вклопува во сите стилови, од полежерни до поформални.
2. Црни салонки
Кога купувате овој модел на обувки, секогаш избирајте ги оние од кожа и внимавајте да ви бидат удобни. Модните експерти едногласно се согласуваат дека салонките нема да излезат од мода за 100 години. Доброто е што можат да бидат дел од деловниот стајлинг, но и аутфит за излегување.
3. Панталони со висок струк
Ако треба да избереме само еден модел на панталони кој одлично стојат, тогаш дефинитивно станува збор за панталони со висок струк. Овој крој ги крие сите несовршености и вишок килограми на стомакот и колковите.
4. Бајкерки
Со нив не е потребен многу труд за да се дизајнира добар стајлинг. Доволно се ефективни па можете да ги носите само со класични фармерки и маичка и ќе направите полн погодок.
5. Миди црн фустан
Едноставните миди фустани се секогаш добар избор, не само за различни пригоди, туку и за различни сезони. Пролет и лето ќе ги носите со апостолки и сандали, а кога ќе паднат температурите комбинирајте ги со чизми.
