Актерот Тејлор Лотнер стана светска сензација откако се појави во сагата „Самрак“ заедно со колегите Роберт Патинсон и Кристен Стјуарт.
Штом излезе првото продолжение во 2008 година, јавноста апсолутно полуде по триото актери, а во тоа време тие беа најголемите тинејџерски ѕвезди. Многу брзо, фановите се формираа во два тима – тимот на Едвард (Роберт Патинсон) и тимот на Џејкоб (Тејлор Лотнер) според нивните ликови вампир и врколак, а причината беше Бела (Кристен Стјуарт) чија љубов и двајцата ја посакуваа.
29-годишниот Лотнер го доживеа врвот на кариерата додека глумеше во популарна сага, а подоцна се му тргна надолу. Филмовите во кои тој се појави не добија позитивни критики, а многумина сметаат дека тоа е причината за неговото поранешно ’пензионирање’ и помирниот начин на кој живее веќе некое време.
Покрај тоа, од 2018 година тој ужива во љубовната врска со медицинската сестра Теј Доме со која често објавува романтични фотографии на Инстаграм.
Иако порано беше главна мета на сите папараци и новинари, откако помина возбудата околу сагата „Самрак“, поминаа и неговите пет минути. Последен пат беше фотографиран во мај оваа година на снимањето на нов филм, „Home Town“, и иако ги напушти мускулите уште од ерата на Џејкоб, изгледа дека почнува да се враќа во форма. За тоа сведочат фотографиите после теретана.
Многумина беа шокирани кога видоа колку актерот се променил за десетина години, а како изгледа денес, погледнете во нашата галерија.
