Неодамна во јавноста стигнаа документи од 2017. година за смртта и погребот на британската принцеза Дијана, а тие објаснуваат дека Елтон Џон бил личноста која морала да свири песна на погребот на неговата сакана принцеза.
Пречесниот Весли Кар ја водел службата на погребот на принцезата Дијана, што тој го опишал како најголемата работа што некогаш ја направил. Тој лично апелирал до Бакингемската палата да му дозволи на Елтон Џон, инаку близок пријател на покојната Дијана, да настапи на нејзиниот погреб.
– Милиони граѓани се чувствуваат лошо и чувствуваат дека доживеале лична загуба. Би било великодушно и имагинативно да му се овозможи на Елтон Џон да и оддаде последна почит на „британската роза“, им рекол Кар тогаш на членовите на кралското семејство.
Елтон Џон ја изведе песната „Cande in the Wind“ на службата во Весинстерската опатија во 1997 година.
Документите кои досега ги поседуваше Националниот архив покажуваат дека пречесниот Весли Кар имал резервен план, доколку принцовите не дозволат да се изведе оваа песна.
Во белешката до еден постар член на кралското семејство, Кар напишал дека песната се пушта „цело време“ на радио.
Деканот сфатил дека тоа ќе биде неконвенционално, но повикал на „храброст“ и „вклучување на делот од современиот свет што го претставувала принцезата“, што ќе им помогне на граѓаните да ја одболуваат страшната загуба.
Нејзината смрт предизвика невидена тага во јавноста, стотици илјади букети беа оставени пред палатата Кенсингтон. Многумина беа лути на, според нив, рамнодушноста на кралското семејство кон принцезата, откако таа се разведе од принцот Чарлс и се откажа од кралската титула.
Во тоа време, пречесниот Кар – кој бил вклучен во преговорите за службата меѓу палатата и семејството на принцезата Дијана – рекол дека присуството на нејзиниот погреб е најголемата работа што некогаш ја направил.
Тој го видел тоа како „ретка можност опатијата да комбинира луксуз, историја и заеднички допир“, а досиејата покажуваат дека тој го гледал Елтон Џон како суштински дел од таа комбинација.
Опатијата организирала млад саксофонист да биде подготвен да одржи трогателно соло, што на крајот и се случило.
Пречесниот Кар, кој починал во 2017. година и кој во неговиот некролог е опишан како „бестрашен“, му рекол на постариот член на кралската куќа дека е подготвен „да разговара со секој по телефон за важноста на овој предлог“.
Документите не покажуваат дали тоа се случило.
Сепак, тој успеал во својата намера, а погребот на принцезата Дијана беше еден од најголемите настани во историјата на Обединетото Кралство.
Настапот на Елтон Џон беше еден од највпечатливите моменти на погребот, кој го следеа стотици милиони ширум светот.