Дали сте подготвени да се збогувате со уште една легендарна серија? Нетфликс ги објави најновите епизоди на La Casa Del Papel, не пропуштајте да ги гледате.
Нетфликс вчера, во петок, ги објави последните пет епизоди од шпанската серија „La Case de Papel“ („Money Heist“), голем меѓународен хит.
Ова се последните пет епизоди од последната, петта сезона на популарната серија: „Escape Valves“, „Wishful Thinking“, „The Theory of Elegance“, „What Is Talked About in Bed / Pillow Talk“ и „A Family Tradition“.
Авторите на серијата најавија дека можеме да очекуваме многу од овие пет епизоди и сосема е невозможно да се одреди во која насока ќе се развива заплетот.
Обожавателите најмногу се занимаваа со прашањето кое воопшто не беше разјаснето во првиот дел, а тоа е што точно ќе се случи со синот на Берлин, Рафаел, кој од амбициозен студент полека се фрла во ограбувачки води со својот татко.
Ќе го дознаеме и следниот потег на Алисија Сиера, потенцијално најомразениот лик во сите пет сезони, која моментално ја држи судбината на професорот во свои раце.
Пред две години, серијата „La Casa de Papel“ стана најгледаната серија на неанглиско говорно подрачје и една од најгледаните на Нетфликс воопшто. Нејзината трета сезона, ги собори рекордите на гледаност на тој стриминг сервис, а ништо не беше поинаку со минатата сезона што можевме да ја следиме за време на рестриктивните мерки предизвикани од корона вирусот.
Со оглед на рејтингот, не е изненадување што главните протагонисти, вклучувајќи го и Алваро Морте, попознат како Професорот, станаа планетарно популарни.