На денешен ден, пред точно пет години, на 27 декември 2016 година, почина актерката Кери Фишер, најпозната по улогата на принцезата Леја во филмската франшиза „Војна на ѕвездите“. Кери Фишер го загуби животот на 60-годишна возраст, откако неколку дена претходно доживеа срцев удар во авион.
Нејзината смрт беше одбележана и со смртта на нејзината мајка, познатата Деби Рејнолдс, која следеше само еден ден подоцна и за која се пишуваше дека изговорила: „Не можам да живеам без Кери“.
Кери Фишер во улогата на принцезата Леја во познатата „Војна на ѕвездите“ остави единствена трага во филмската индустрија. Кога Џорџ Лукас го претстави Star Wars на светот во 1977 година, се чинеше дека филмската ера целосно се промени, при што Харисон Форд, Кери Фишер и Марк Хамил станаа икони кон крајот на дваесеттиот век.
Разбирливо, за врската и односот меѓу Форд и Фишер се пишуваше и зборуваше уште тогаш, а медиумите беа многу заинтересирани да откријат дали и што се случува меѓу протагонистите на „Војна на ѕвездите“.
Како што беше откриено во последните мемоари на Кери Фишер, наречени The Princess Diarist, беше откриено дека аферата всушност се случила помеѓу оженетиот 33-годишен Харисон Форд и младата Кери, која тогаш имала само 19 години.
Чувајќи ги деталите од романсата за себе речиси 40 години, Кери Фишер конечно детално кажа дека нивната врска е главно сексуална по природа. Како што таа еднаш рече, тоа беше „една ноќ што траеше три месеци“.
Чувствувајќи вина за аферата, која ја иницираше Форд, за време на снимањето во Лондон, Кери се сети на деталите.
– Не сум воспитана така, но потоа открив дека во одредени ситуации се е дозволено – изјави таа.
Иако остана професионалец на сетот, самата Кери изјави дека сакала повеќе од аферата отколку што сакал Форд. Таа во своите мемоари напиша дека е опседната со тоа, и дека тоа и е на прво место. Таа фантазирала како Форд ја остава неговата тогашна сопруга Мери Маркварт.
Сепак, тоа беа нејзините празни соништа, бидејќи Форд се врати во семејството кога заврши снимањето.
Сепак, бракот со Мери не траел, а Харисон Форд релативно брзо се развел од сопругата. Тоа и даде шанса на Кери Фишер накратко да ја обнови љубовта со актерот на снимањето на продолжението „Војна на ѕвездите“, „Империја го возвраќа ударот“.
Со текот на времето, Кери ја надмина страста и емоциите за Харисон Форд, а во 1983 година се омажи за Пол Сајмон.
Во 2016 година, Кери Фишер изјави за Гардијан дека секогаш ќе го сака Харисон.
– Да, го сакам. Секогаш ќе чувствувам нешто за него.