Со цел витамините и минералите кои ги земате да ви го зајакнат имунитетот и да го подобрат вашето здравје навистина да функционираат, важно е да ги земате во вистинско време од денот, бидејќи тогаш нивната апсорпција е најдобра.
Исто така, докажано е дека некои делуваат подобро на празен стомак, додека други се земаат исклучиво со храна, а некои комбинации на витамини и минерали можат да ја забават апсорпцијата, додека други им дозволуваат да функционираат правилно во организмот.
Лекарите напоменуваат дека суплементите не треба да ги земате самоиницијативно, туку во консултација со стручно лице, по направените анализи кои укажале на нивниот недостаток.
Витамини земени наутро
Витаминот Б12 најдобро се зема на празен стомак со витамин Б1 и бакар. Витаминот Б12 го стимулира производството на енергија и затоа треба да се зема наутро на празен стомак. Дополнително, наутро е време да се земе витамин Ц, кој може да се зема со витамините Б12, Е и А. Додатокот на железо се зема и наутро, но со храна, да не „падне“ силно на стомак, туку важно е да не се зема во комбинација со цинк, витамин Е, манган или калциум.
Попладне
Во тоа време, витамини треба да се земаат со храна. Се препорачува потоа да земате цинк, најдобро во комбинација со витамините А, Ц и Б12. Ако пиете цинк, избегнувајте железо, бакар и витамин Б9. Витаминот А треба да се зема и напладне, по можност со витамини Ц и Е, како и цинк.
Вечерни витамини
Витаминот Д треба да се зема со храна за време или после вечерата, по можност во комбинација со калциум, кој ја зголемува неговата апсорпција. Покрај тоа, добра комбинација на витамин Д е и рибино масло.
Пред спиење
За да го подобрите варењето, земајте пробиотици околу два часа по вечерата. Пред спиење, идеално време е да земете магнезиум. Можете да го земате со калциум и витамин Б6.