Ким Кардашијан и 13 години помладиот Пит Дејвидсон ја потврдија врската држејќи се за рака.
Откако го прослави својот 28-ми роденден, комичарот Пит Дејвидсон и 40-годишната Ким Кардашијан го потврдија она што се шпекулира со недели.
Се разбира, станува збор за нивната врска, а парот е виден во Палм Спрингс каде се држеле за раце и цело време не ја симнувале насмевката од лицето.
Да се потсетиме, по светските медиуми пред неколку недели почнаа да кружат информации дека 40-годишната реалити ѕвезда се бакнува со 13 години помладиот комичар по разводот со нејзиниот трет сопруг Канје Вест. За тоа првпат се пишуваше по Ноќта на вештерките, која необичната двојка ја помина со пријателите во забавен парк каде се држеа за раце.
28-годишникот и беше познат на јавноста и претходно, пред се поради убавиците кои ги љубеше, но и поради тешкото детство проткаено со бројни проблеми и смртта на неговиот татко.
Имено, иако ги засмејува луѓето, Пит со години отворено зборува за бројните психолошки проблеми со кои се справува, а пред 20 години го загуби својот татко кој загина во урнатините на ’близначките’ за време на терористичкиот напад на САД.
Пит пред 10 години дознал дека боледува од Кронова болест, која ја лекувал со марихуана, како и депресија, а во 2017 година му било дијагностицирано растројство на личноста.
Сопнатиот комичар на светот му стана најпознат како момчето, а потоа и вереникот на пејачката Аријана Гранде. Последната девојка на Пит беше Фиби Диневор, ѕвездата на серијата „Бриџертон“, а парот ја прекина љубовната врска по само 5 месеци, наводно поради далечина.
По веридбата со Аријана, ја освои и Кејт Бекинсејл, а падна и актерката Маргарет Квали, како и манекенката Каја Гербер, ќерката на супермоделот Синди Крафорд.