Диетата со зелка е една од здравите диети, со малку маснотии и калории, и ви овозможува да изгубите до 5 килограми за 7 дена. Оние кои се придржувале на оваа диета, велат дека дава одлични резултати, па не чуди што веќе 2 децении е хит низ целиот свет.
Најважниот оброк во текот на денот е нискокалорична супа од зелка, која го поттикнува брзото согорување на маснотиите.
Придржувајќи се кон оваа диета, дозволено е земање друга храна со помалку калории, додека е неопходно да се елиминираат шеќерот и храната како печени компири, банани и слично во првите 3 дена.
Значи, главниот оброк е супа од зелка и се прави на следниов начин:
Зеленчукот, вклучувајќи ги морковите, зелените пиперки, кромидот, доматите, печурките, зелката и целерот исечкајте ги на коцки.
Во тенџере ставете кромид и малку масло и динстајте неколку минути. Потоа додадете сецкан зеленчук.
Додадете 6-7 чаши вода во сад и оставете да зоврие. Намалете ја температурата на средна и оставете го зеленчукот да се свари. Гответе додека зеленчукот не омекне, еден 30-45 мин.
Можете да додадете сол и бибер по желба.
Вака изгледа 7-дневниот план за исхрана:
Прв ден
Супа од зелка и овошје по избор, не се дозволени само банани. Пијте многу течности, а се препорачува вода, незасладен чај или црно кафе.
Втор ден
Супа и зеленчук, количината не е ограничена, важно е да не чувствувате глад. Јадете зелен зеленчук и избегнувајте пченка, грашок и други мешунки.
Можете да печете компири за вечера. Забрането е да се јаде овошје на овој ден.
Трет ден
Со супата од зелка, можете да комбинирате овошје и зеленчук по ваш избор, но не и храна која содржи многу јаглени хидрати (пр. компири).
Четврти ден
Покрај супа од зелка, можете да изедете најмногу четири банани, а обезмастено млеко да консумирате во неограничени количини.
Петти ден
Задолжителна е супата од зелка, а дозволен е еден оброк од 300-500 грама посно пилешко или говедско месо и салата од домати (максимум шест домати).
Во текот на денот треба да пиете од 1,5 до два литри вода, што ќе го подобри исфрлањето на вишокот киселина од телото.
Шести ден
Најмалку една порција супа од зелка, посно пилешко или говедско и многу зеленчук. Не е дозволено да се јаде компир на шестиот ден.
Седми ден
Последниот ден, диетата со супа од зелка е задолжителна, а гладот можете да го задоволите со порции интегрален ориз и зеленчук. Дозволено е да се пие незасладен овошен сок.
Забелешка: Препорачливо е да се држи оваа диета 7 дена, по што е неопходно да се направи пауза од најмалку 2 дена.