Кобната несреќа која се случи кога на снимањето на филмот Rust, Алек Болдвин ја уби Халина Хачинс, а го рани Џоел Соуза и понатаму е главна тема на пишување во светските медиуми.
Оваа шокантна вест погоди и вознемири многумина, а страшната трагедија ќе има влијание врз многу животи. Оние кои се сеќаваат на ужасниот настан од снимањето на филмот The Crow се сеќаваат дека на сличен начин животот го загубил и синот на Брус Ли, актерот Брендон Ли.
Брендон Ли беше убиен при крајот на снимањето на The Crow. Имено, на самиот крај од работата на оваа реализација во 1993 година, во сцената во која негативецот кој го игра Мајкл Меси го пука главниот лик, Брендон не станал на крајот од сцената. Никаде немало крв, а актерот имал пулс. Меѓутоа, две до три минути подоцна немало повеќе знаци на отчукување на срцето и итно бил префрлен во болница, каде бил опериран шест часа, но немало спас. Во пиштолот, по грешка на тимот за реквизитите, имало еден вистински куршум. Имено, истиот пиштол бил употребен и ден претходно, кога требало да биде наполнет со вистински куршуми. Еден останал во цевката, а тој еден куршум го уби актерот. Брендон Ли почина на 31 март 1993 година, на 28-годишна возраст.
Сега, по 28 години, се огласи и тогашната свршеница на Ли, Елиза Хатон. Брендон го загуби животот само две недели пред венчавката што требаше да се одржи со Елиза.
Најголемата љубов на Брендон Ли денес има 57 години и се огласи по повод трагедијата во Ново Мексико.
– Пред 28 години бев скршена од шок и тага поради загубата на љубовта на мојот живот, Брендон Ли. Сè беше толку бесмислено. Срцето сè уште ме боли, поради мојот сопруг и синот Халина Хачинс, но и сите оние кои останаа по трагедијата што можеше да се избегне. Ги повикувам оние кои се на позиции да направат промени и да разгледаат алтернативи за користење на вистинско оружје на филмските сетови – изјави Елиза.
Таа објави и шокантна фотографија со Брендон, направена во 1992 година во Венеција, по нивната свршувачка …
Двојката ја планираше својата венчавка на 17 април 1993 година, но ненадејната смрт радикално го промени животот на Елиза.
