Легендарната Изабел Аџани се појави на Канскиот филмски фестивал синоќа на премиерата на филмот „Peaceful“, а сите коментираа дека иако има 66 години, таа изгледа нереално.
Кога престижниот магазин „ЛА Тајмс“ објави листа на најубави жени во филмските продукции пред неколку години, првото место, без конкуренција, го зазеде никој друг, освен актерката со извонредна убавина, Изабел Аџани.
Изабел, далеку од современите стандарди за убавина, но единствена, ретка и божествена, му го должи овој наслов на филмот „Кралицата Маргот“, иако во другите дела остави трага на нејзиниот необичен и опоен изглед. Никој не остана рамнодушен на нејзиниот изглед, а во 80-тите немаше човек кој не беше барем малку заљубен во неа.
Сепак, покрај тоа што го волшебува светот со својата убавина, нереалната Изабел може да се пофали и со неверојатен талент – пет пати во кариерата беше крунисана со француската Цезар награда, а во Кан уште во 1981 година ја доби двојната награда за најдобра жена актерка.
По успешните улоги, актерката се повлече од јавната сцена и со години не се појавуваше во јавноста, па нејзиното доаѓање на Канскиот фестивал ги изненади сите.
Актерката се појави на премиерата на филмот „Peaceful“, и сите одушевено гледаа во нејзината насока. И покрај тоа што има 66 години, таа изгледа неверојатно. Таа не крие дека имала неколку естетски корекции, но сè било направено со мерка, па затоа не изгледа „пластично“ како повеќето нејзини колеги.
