Бившиот сопруг на Џенифер Анистон призна што довело до нивниот развод, но и во каков однос се денес

Четири години по разводот, американскиот актер Џастин Теру конечно призна што доведе до распад на бракот со Џенифер Анистон.

Кога во светските медиуми се појавија вести во 2017 година дека актерската двојка се разведува по две години брак, многумина ги пронајдоа виновниците за распадот на брачната заедница во тоа што сопружниците претпочитаат да живеат на различни адреси. Во интервју за магазинот Esquire, Теру донекаде ја потврди оваа идеја, но истакна дека целосно согласување со тоа би било преедноставување на ситуацијата.

„Гледајте, луѓето креираат приказни за да си ги поедностават работите. Целата таа категоричка поделба дека едниот сака рокенрол, а другиот џез, едноставно не оди. Тоа не е така. Тоа е поедноставување”, рече актерот, алудирајќи на гласините дека парот не може да најде место за да живее заедно бидејќи Џенифер го претпочита Лос Анџелес, а тој Њујорк.

Во разговорот, тој потврди дека останува во пријателски односи со поранешниот сопруга. “Би сакал да истакнам дека останавме пријатели. Не се слушаме секој ден, но сме во контакт”, рече тој. Тој исто така додаде дека, и покрај мислењето на многумина, нивниот развод не бил театарски.

“Јас сум искрен кога укажувам дека навистина се грижам за нашето пријателство … тоа би било голема загуба за мене ако не останеме во контакт. И сакам да верувам дека и таа се чувствува исто”, призна во гореспоменатиот разговор.

Да потсетиме, неговата поранешна сопруга ги пополнуваше страниците на светските медиуми деновиве откако беше објавена веста дека на 52-годишна возраст ќе стане мајка на девојче кое има намера да го посвои од мексикански дом за сираци. Гласините се покажаа како невистинити, а актерката жестоко ги негираше овие обвинувања.