На барање на Анџелина Џоли, пресудата за заедничко старателство над децата беше укината, а Бред Пит повторно не е во можност да ги види.
Актерите Бред Пит (57) и Анџелина Џоли (45) поднесоа барање за развод во 2016 година, но и покрај фактот што повеќе не се законски заедно, се уште се судат, бидејќи не можат да постигнат договор во врска со старателството над децата.
На крајот од минатото судење, им беше одредено заедничко старателство, а Џоли веднаш ја достави документацијата до судот со цел промена на судијата. Таа тврди дека неговата одлука е неправедна и дека тој одбил да ги сослуша малолетните деца и нивните желби во врска со старателството.
Тричлена комисија се согласи со Анџелина и го дисквалификува судијата Одеркирк минатата недела. Наведено е дека тој ги прекршил „своите етички обврски“.
Наводно, Одеркирк ги прекршил своите должности како привремен судија и не открил дека бил во деловна соработка со адвокатите на Пит, што можело да влијае врз неговата одлука.
– Фактите не се променија. Постојат многу докази кои покажуваат дека ова е најдобро за децата. Ќе продолжиме да го правиме она што е во согласност со тоа – рече портпаролот на Пит.
Да се потсетиме, неодамна во јавноста стигна веста дека најстариот син на Анџелина и Бред е всушност украден од своето биолошко семејство кога актерката го посвои во 2000 година.
Вниманието на медиумите е насочено и кон нивната постара биолошка ќерка Шајло, која сака да го смени полот и чии родители веќе ја нарекуваат Џон.
