Британија во шок: Кралицата Елизабета за прв пат видена во јавноста со бастун
Кралицата се насмевна кога влезе во црквата
Денес, кралицата Елизабета за прв пат беше видена на богослужба, во катедралата Свети Петар во Вестминстер, со стап кој и помага да оди.
Службата се одржа во Вестминстерската опатија по повод стогодишнината од Кралската британска легија, а ќерката на кралицата, принцезата Ана, и го додаде бастунот на кралицата откако и двете излегоа од лимузината во центарот на Лондон.
Кралицата се насмевна кога влезе во црквата низ Поетскиот двор, наместо Големата западна порта, што е вообичаено, а Бакингамската палата одби да го коментира настанот.
За време на службата во Вестминстерската опатија, беше нагласена важноста и придонесот на Кралската британска легија, основана во 1921 година за да се грижи за членовите на армијата и нивните семејства по Првата светска војна.