ЦРВЕНА ВЕЛВЕТ ТОРТА: Највкусниот и најсочен десерт кој некогаш ќе го пробате! (РЕЦЕПТ)
Совршено кремасто задоволство што вреди да се направи
Состојки за кора:
250 гр брашно
2 јајца
2-3 лажици какао во прав
115 гр маргарин
300 гр шеќер
1 кесичка ванилин шеќер или 1 лажичка екстракт од ванила
240 мл јогурт
половина лажичка сол
1 лажичка сода бикарбона
1 лажичка оцет
3 лажици екстракт од јагода или боја за црвена торта
За кремот ќе ви требаат:
360 мл слатка павлака
460 – 500 гр сирење маскарпоне
1 лажичка екстракт од ванила
115 гр шеќер во прав
Подготовка на корите:
Измешајте брашно, какао и сол во пластичен сад.
Во друг сад измешајте екстракт од јагода и јогурт додека не ја постигнете саканата боја.
Во третиот сад измешајте го маргаринот со миксер. Кога смесата ќе стане кремаста, измешајте ја со шеќер и ванилин шеќер сè додека убаво не се соедини и стане кремасто. Додадете две јајца и продолжете да мешате. Кога смесата ќе стане хомогена, полека додадете ја содржината на првиот и вториот сад.
Ставете сода бикарбона во чаша и прелијте ја со оцет и додајте ја во смесата за бисквитот, па измешајте. Поделете ја смесата на два еднакви делови пред печење.
Колачот треба да има 4 слоја, па затоа најдобро е да се испечат 2 кори, а по печењето, повторно да се преполови секоја од нив.
Печете на 180 степени околу 25-30 минути.
Откако малку ќе се оладат корите, ставете ги во замрзнувач околу еден час. Кога ќе се оладат, полесно ќе ги исечете.
Подготовка на кремот:
Во едниот сад измешајте ја павлаката, а во друг маскарпоне сирењето, ванилин шеќер и шеќер во прав. Кога ќе добиете хомогена смеса, постепено додајте ја изматената слатка павлака и сè повторно измешајте заедно.
Кората премачкајте ја со крем, па преклопете ја со друга кора и така сè додека не се потрошат сите кори. Можете да ја украсите тортата со свежи јагоди или малини.
Пријатно!