Речиси 18 години од раскинувањето, новозаљубените гулаби Џенифер Лопез и Бен Афлек го поминуваат секој слободен момент заедно.
Ова е јасно од фотографиите на папараците кои секојдневно ги следат нивните чекори, а само еден таков сет фотографии неодамна предизвика изненадување кај нивните обожаватели. Имено, Џеј Ло и Бен се снимени за време на прошетка. Додека таа го гледаше вљубено и го гушкаше, тој изгледаше отсутен, што многумина ги загрижи дека работите меѓу нив не одат баш најдобро.
Најновото откритие дополнително ги поттикна ваквите сомневања. Како што пренесува ТМЗ, Лопез и Афлек не се следат на Инстаграм!
Сепак, не е јасно дали тоа отсекогаш било така и дали некогаш си ги „лајкнале“ меѓусебните објави. Се знае само дека Џенифер официјално ја потврди врската со Афлек со фотографија која ја објави на таа социјална мрежа по повод нејзиниот 52 роденден.
Џеј Ло и Бен, да потсетиме, предизвикаа неверојатен интерес кај јавноста и медиумите со нивното прво официјално заедничко појавување на црвениот тепих на неодамна одржаниот филмски фестивал во Венеција.
Во галеријата со фотографии погледнете ги последните, но и највпечатливите моменти на славниот пар:
