Неодамна се појавија гласини дека Џенифер Анистон и Дејвид Швимер, кои ги играа Рејчел и Рос во серијата Пријатели, се зближиле и во реалниот живот.
Меѓутоа, Дејвид преку својот портпарол ги отфрли тие шпекулации. Тој рече дека не е точно дека е во врска со Џенифер, пишува „Page Six“.
Да се потсетиме, извор близок до актерите откри за списанието „Closer“ дека по специјалната епизода на „Пријатели“, тие почнале да поминуваат многу време заедно.
– По собирот, стана јасно дека размислувањето за минатото ги разбуди чувствата кај двајцата и дека хемијата што ја чувствуваа е се уште присутна. Наскоро почнаа да се допишуваат, а минатиот месец Дејвид отиде да ја посети – рекол извор за списанието „Closer“.
Според изворот, тие времето го поминувале во домот на Џенифер Анистон.
– Видени се и како пијат вино во едно од нејзините омилени лозја во Санта Барбара. Очигледно беше дека меѓу нив има силна хемија – додаде изворот.
За време на снимањето на специјалната епизода „Пријатели“, актерите признаа дека биле вљубени еден во друг, но дека немало ништо меѓу нив и дека сите свои емоции ги преточиле во ликовите што ги играа.
