Делта сојот на коронавирус, кој исто така е присутен и кај нас, дава различни симптоми кај луѓето кои не биле вакцинирани од различни причини и кај оние кои ги „засукале ракавите“ и примиле една или две дози вакцина.
Една студија во која беа вклучени еден милион луѓе во Обединетото Кралство покажа дека симптомите што укажуваат на инфекција со вирус на делта се различни отколку во раните фази на пандемија.
Најчестите симптоми на ковид-19 кај луѓето кои ги примиле двете дози на вакцината се главоболка, кивање, губење на чувството за мирис, болки во грлото и течење на носот.
Оние кои примиле една доза вакцина против коронавирус најчесто пријавувале главоболка, болки во грлото, постојана кашлица и кивање како симптоми на инфекција со делта сојот.
Конечно, лицата кои не примиле доза од вакцината за корона и се заразиле со делта варијантата, пријавиле главоболка, треска, болки во грлото, постојана кашлица и течење на носот како симптоми.
За време на студијата, луѓето кои биле вакцинирани имале поголема веројатност да пријават губење на чувството за мирис, додека оние кои не биле вакцинирани најчесто пријавиле висока телесна температура.
Исто така, отежнато дишење, што беше карактеристично во првата фаза на пандемијата за време на британското истражување, беше многу редок симптом.
Научниците веруваат дека главната причина е возраста на заразените. Имено, според досегашните податоци, луѓето помлади од 50 години се почесто заразени со вирус на делта корона, кој вообичаено нема толку проблеми со дишењето.
Разликата помеѓу вакцинирани, делумно вакцинирани и невакцинирани не е само во симптоматологијата, туку и во третманот. Оние кои се заштитени имаат далеку поблага клиничка слика од оние кои не примиле вакцина.