Денес е Светски ден на мафини, а приказната зад прославата ќе ве воодушеви!

Денес, 20 февруари, е Светски ден на мафини, и има ли подобар начин за прослава од тоа да се подготви една порција?

Светскиот ден на мафини се слави денес, 20 февруари, а приказната за тоа како започна да се слави, трогна многумина. Имено, вработен во технолошка компанија, Џејкоб Кауфман, секое утро на пат кон работа купил целосна вреќа со мафини и им ги дистрибуирал на бездомниците низ градот. Тоа го правеше со години, но никој не знаеше за неговиот дарежлив гест и навика – сè додека блогерот Џулија Леви не го откри и направи интервју со него. Дуото наскоро сфати дека преку овој проект за споделување мини мафини може повеќе да им помогне на бездомниците, па затоа го започнаа Светскиот ден на мафини кога луѓето ги печат овие вкусни колачиња, ги продаваат и донираат пари во добротворни цели.

Иако не е наш обичај, да го прославите овој ден можете да го сторите истото што и Џаков – испечете ги овие вкусни мафини од банана и чоколадо и почестете ги луѓето околу вас.

Потребни состојки се:

250 гр брашно

4 банани

100 гр бел шеќер

70 гр кафеав шеќер

60 гр сечкани ореви

Чоколадо

1 големо јајце

60 мл масло

1 лажичка сода бикарбона

1 лажичка прашок за пециво

1/2 лажичка сол

2 лажички екстракт ванила

Подготовка:

Прво загрејте ја рерната на 180 ° С. Подгответе калап за мафини и обложете го со хартиени или силиконски корпи. Во сад изматете ги брашното, сода бикарбоната, прашокот за пециво и солта додека не се соединат добро и оставете ги настрана. Во друг сад изматете ги бананата, белиот шеќер и кафеавиот шеќер. Потоа додадете јајце, растително масло и екстракт од ванила. Измешајте ја оваа мешавина со сувите состојки од другиот сад, а потоа измешајте сè добро. Потоа додадете ореви, нежно промешајте и наполнете ги калапите за мафини. На секоја додадете лажичка намачкано чоколадо и со лесни движења, можете да користите и чепкалка за заби за да ја измешате во смесата. Печете ги мафините 15 до 17 минути или додека не излезе чиста чепкалка за заби вметната во средината на мафините