Оваа закуска ќе биде одлична идеја кога имате изненадни гости или кога сакате да ја импресионирате екипата со вкусно предјадење.
Додека се збогуваме со дивиот, кој сè уште го има, на ред дојде градинарскиот аспарагус. Го вбројуваме меѓу најпопуларните и најздравите пролетни плодови, а поради својата разноврсност, одлично оди со голем број сезонски јадења. Сакаме да го комбинираме со грашок и грав, домати и печурки, а особено е вкусен на скара, со додавање на само неколку основни состојки како добро сирење, пршута или сланина.
Состојки:
400 гр аспарагус
2 пакувања лиснато тесто
200 гр пршута
200 гр сирење по желба
1 јајце
2 лажици маслиново масло
Сусам
Сол
Подготовка:
Во плиток сад, прво помешајте го маслиновото масло и солта и во смесата превртувајте го аспарагусот. Поделете го лиснатото тесто на еднакви правоаголни парчиња. Ставете ја пршутата и сирењето на дното на секој правоаголник, проследено со аспарагусот. Фатете ги двата спротивни краја на правоаголникот и поврзете ги на средината. Премачкајте со изматено јајце и посипете сусам или други зачини по желба. Печете на 210 степени околу 20 минути или додека не добие убава златна боја. Послужете како предјадење или закуска со сос по ваш избор.
