Џенифер Анистон, sвездата на серијата „Пријатели“, призна дека престанала да се дружи со некои луѓе поради нивниот став кон вакцинацијата против короната.
– Се уште постои голема група луѓе кои се анти-ваксери или едноставно не ги слушаат фактите. Тоа е вистински срам – рече таа.
– Само што загубив неколку луѓе во мојата непосредна околина кои одбиваа да се вакцинираат или не откриваа дали се вакцинирани или не – додаде актерката.
Таа тврди дека секој има право на свое мислење, но дека многу мислења се базираат на страв или пропаганда.
– Чувствувам дека наша морална и професионална обврска е да ги информираме другите луѓе ако имаме заштита од короната, бидејќи не можеме сите да се тестираме секој ден. Затоа мислам дека се ослободив од неколку пријатели со причина – изјави Анистон.
Да се потсетиме, актерката неодамна, како гостинка во една емисија, се осврна на шпекулациите дека се помирила со поранешниот сопруг, Бред Пит, и ја дала таа изјава.
– Бред и јас сме пријатели, разговараме често и нема ништо необично во тоа, освен што сите се обидуваат да видат нешто повеќе од тоа во нашата врска – откри актерката, со што стави крај на гласините за помирувањето.
