Алекс Родригез ужива во своето време во Доминиканската Република откако се обедини со Џенифер Лопез. За време на викендот, пензионираниот атлетичар сподели на Инстаграм серија фотографии и видеа од оваа егзотична локација, каде патуваше за да се смири со Лопез откако тие потврдија дека „работат на некои работи“.
Да потсетиме, Лопез престојува во Доминиканската Република затоа што ја снима претстојната романтична комедија „Shotgun Wedding“, а во саботата Елејн Голдсмит-Томас, продуцент на филмот откри дека филмот е при крај и дека снимањето ќе трае уште четири недели. Таа го објави ова преку објава на Инстаграм каде можеме да ја видиме Лопез како држи говор пред филмската екипа.
Во краткото заедничко соопштение на 13 март, неколку часа откако Интернетот беше преплавен со гласини за нивно раскинување, Лопез и Родригез рекоа дека „работат на некои работи“ во нивната врска. Иако суперsвездите изгледаа среќни додека го славеа настапот на Џенифер на инаугурацијата на претседателот eо Бајден во Вашингтон во јануари, а потоа и на Денот на вљубените минатиот месец, извори за магазинот People изјавија дека тивко се борат веќе некое време.
„Таа размислуваше да раскине со Алекс веќе шест месеци“, рече пријателот на Лопез. Покрај тоа, самата Лопез за магазинот Allurе во февруари изјави дека таа и Родригез неодамна побарале помош во форма на терапија за парови. „Мислам дека ни беше од голема помош во нашата врска“, рече таа тогаш, додавајќи дека направиле пауза во планирањето на венчавката откако биле принудени да откажат две церемонии поради пандемијата на Ковид-19.
Сепак, Родригез е многу среќен што се смири со Лопез минатата недела, а исто така и таа. „Џенифер беше возбудена кога го виде. Тие навистина се обидуваат да ги разберат работите “, сподели инсајдерот со списанието People во тоа време, додавајќи: „Тоа беше среќен собир“.