Ефтин оброк на кој нема да му оддолеете: Лажен тост од компири и сирење – не сте го спремале на овој начин досега!

Пробајте ја оваа лепиња со компири и сирење што се топи во устата …

Состојки:

2 компири
едно јајце
лажица брашно
малку сол
неколку листови тврдо сирење / сирење по ваш избор
рендано сирење (неколку лажици)

Подготовка:

Изрендајте два компира (на грубо ренде), а потоа посипете со вода. Оставете да отстои, потоа процедете ја водата и додадете малку сол, една лажица брашно и добро измешајте.

Ставете ја тавата на умерен оган, намачкајте ја со масло, а кога ќе се загрее додадете го компирот. Добро притиснете го компирот. Ренданиот компир треба да се комбинира во една смеса за време на пржењето.

Кога долниот дел ќе добие златна боја, превртете го, потоа додадете малку тврдо рендано сирење или кашкавал и едно јајце на една половина. Ставете уште неколку листови сирење. Кога малку ќе се допржи, префрлете ја преостанатата половина од компирот врз другата половина (како при правење омлет).

Свртете повторно, па кога ќе добие златно-кафеава боја и сирењето убаво ќе се стопи, јадењето е готово.