Палачинките се десерт што сите го сакаат. Тие се меѓу омилените посластици во многу домови, а особено им се радуваат децата.
Сите го знаете стандардниот рецепт за палачинки и лесно е да се направи.
И покрај напорите, на многумина им се случува нивниот омилен десерт да не излезе онака како што сакале. Но, со помош на еден трик и малку поинаква подготовка на смесата, палачинките секогаш ќе испаднат совршени.
Направете ја смесата за палачинки на вообичаен начин, со мала промена така што ќе ги одделите белките од жолчките. Во смесата изматете ги жолчките и оставете ги белките настрана. Кога ќе ги ставите сите состојки (освен белките од јајцата) во смесата, добро измешајте ги. Направете изматен снег од белките (така што нема да биде ниту мек, ниту цврст). Полека додајте ги изматените белки во смесата.
Токму овој изматен снег ќе им даде пенлива структура, мекост и фантазија на вкусот. Ќе бидат толку совршени што дури и кога ќе се изладат и стојат повторно ќе бидат убави.