Не е тајна дека пеглањето е обврска што многумина од нас ја избегнуваат. Сигурно не ви се допаѓа кога сакате да облечете нешто и треба да го испеглате, но уште полошо е кога немате со што да го испеглате.

За среќа, пеглата не единственото нешто што ќе ви помогне да ја исправите вашата облека. Постојат и други трикови што се ефикасни и што сигурно ќе ви се најдат кога немате друг избор.

Употребете пегла за коса

Не толку одамна, жените користеа пегла за облека за да ја справат својата коса. Сега можете да ја употребите пеглата за коса за вашата облека.

Овој трик е навистина корисен за тешко достапни места, како на пример јака од кошула. Пред да ја пеглате облеката со пегла за коса, осигурете се дека на неа нема никакви остатоци од продукти за коса.

Употребете фен

Друг одличен начин да ја исправите облеката е фенот за коса. Едноставно ставете го парчето облека на рамна површина и насочете го фенот кон изгужваните места. Само бидете внимателни – немојте да го допирате фенот до облеката бидејќи може да ја изгори ткаенината.

Пареа

Овој трик е одличен доколку патувате. Додека се туширате, закачете го парчето облека што сакате да го исперете во тоалетот. Жешката пареа од водата ќе ги исправи изгужваните делови. Потоа само оставете го парчето облека во друга просторија да се исуши.

Додајте малку бел оцет

Едноставно, наполнете шише со распрскувач со три четвртини вода, и една четвртина оцет. Испрскајте ги изгужваните делови од облеката, а потоа закачете ја и оставете ја се исуши. Бидејќи оцетот може да остави слаб мирис, ќе треба да нанесете и малку парфем.

Искористете ја сушалната

Ставете ја изгужваната облека во сушалната со влажна ткаенина или влажно парче облека и пуштете ја неколку минути. Влагата од ткаенината ќе испари и ќе ја исправи облеката.

Влажна крпа

На рамна површина поставете го изгужваното парче облека, а врз него ставете влажна крпа. Притиснете и исправете ги изгужваните места. Потоа само закачете ја облеката и оставете ја да се исуши.

Претворете сад во пегла

Во тенџере или друг огноотпорен сад зовријте вода. Откако водата ќе зоврие, истурете ја и употребете го тенџерето како пегла. Пред да започнете, внимателно проверете дали има какви било дамки на дното од тенџерето што би ја извалкале вашата облека.