Персоналот за одржување и чистење ја тужи Ким Кардашијан за наводно неисплаќање на нивните плати, обезбедување паузи за оброци и покривање на трошоците, пишува ТМЗ. Сепак, ријалити sвездата тврди дека таа не е одговорна за тоа, туку нејзиниот снабдувач.
Според судските документи, ја тужат седум вработени кои тврдат дека работеле за Ким на нејзиниот имот Hidden Hills, тврдејќи дека им било кажано при приемот дека се вработени со полно работно време. Но, тие тврдат дека биле третирани како независни изведувачи, поради што не ги добиле придобивките од редовно вработените.
Портпарол на Ким Кардашијан изјави за ТМЗ дека таа ангажирала независен снабдувач за услуги за одржување и чистење и дека не е запознаена со договорот што тој го склучил со работниците. Тој инсистира на тоа дека Ким не е одговорна за „начинот на кој снабдувачот ја извршува својата работа и за неговите договори со вработените“.
„Ким отсекогаш плаќала на добавувачот за неговите услуги и се надева дека проблемот помеѓу вработените и добавувачот што ги ангажирал наскоро ќе се реши спогодбено“, додаде портпаролот.
Цела низа обвинувања
Работниците тврдат дека не примале плати, дека не им биле исплаќани редовно, дека не добиле паузи за одмор и оброци, дека не им биле вратени трошоците, дека не бил обезбеден систем за евидентирање на работното време и дека не биле платени за прекувремена работа.
Еден вработен во тужбата тврди дека бил отпуштен откако се распрашал за неговите права и правата на неговиот син, за кого рече дека имал само 16 години, но работел повеќе од максималниот број часови што му биле дозволени на малолетник според законот за работни односи во Калифорнија.
Извор близок на Ким Кардашијан тврди дека таа никогаш не пропуштила да ја плати сметката за мобилниот телефон, а камоли да им плаќа на работниците во нејзиниот дом.