Мажите кои го прават ова се позадоволни од својот сексуален живот!
Момци, ако припаѓате на таа група мажи кои не вршат домашни работи, можеби треба да размислите за тоа уште еднаш. Студијата покажа дека мажите кои учествуваат во домашните работи почесто имаат секс и се позадоволни од својот сексуален живот!
Коавторот на студијата, д-р Мет Џонсон од Универзитетот во Алберта, Канада, и неговите колеги ја објавија студијата во весникот за семејна психологија.
За да се испита врската помеѓу домашните работи и сексот, истражувачите анализирале податоци од 1.338 парови кои биле дел од студија за врски и семејни односи. Секој маж одговарал на прашања колку учествува во домашните работи, какви работи врши и дали мисли дека е нивна работа да врши домашни работи.
Една година подоцна, научниците ги испитувале овие парови за нивното задоволство од сексуалниот живот.
Ова истражување дало интересни резултати – се покажа дека мажите кои учествуваат во домашните работи имаат почесто секс, и двајцата партнери пријавиле поголемо задоволство од нивниот сексуален живот.
Затоа, научниците веруваат дека паровите кои не се презадоволни од својот сексуален живот би можеле да имаат корист од подобрата распределба на обврските во домаќинството.
„Наместо да ги избегнувате домашните задачи со надеж дека ќе имате почесто секс, излегува дека имате поголеми шанси и двајцата да бидете среќни со сексуалниот живот ако ги поделите домашните задачи“, вели д -р Џонсон.