Жешките летни денови конечно пристигнаа, но продолжената зима секогаш го носи истиот проблем – не започнавме да вежбаме на време, па сега не можеме гордо да носиме шорцеви или кратко здолниште, поради непријателот број еден на жените – целулит.
Користете ги овие трикови кога треба да носите кратка облека, но фрлете се на вежбање и правилна исхрана што е можно поскоро, за да добиете долготрајно решение:
- Лак за коса
Набавете лак за коса со висок степен на задржување и испрскајте на бутовите, односно деловите погодени од целулит. По нанесувањето на лакот, застанете исправено и не движете се додека лакот не се исуши целосно. Треба да почувствувате затегнување на кожата.
Трикот е дека сјајот од лакот се прекршува на светлината, што исто така визуелно ќе ги скрие дупките и нерамномерноста. Опуштената кожа на рацете можете да ја зајакнете и со лак за коса!
- Средство за потемнување на кожата
Целулитот е највидлив на светла кожа. Колку е потемна кожата, толку помалку целулит ќе може да се види, па затоа можете да користите спрејови и креми за самопотемнување за оваа намена. Само проверете дали бојата не е премногу темна, за да не се разликува премногу од остатокот од телото.
- Ладен туш
Можеби не сте знаеле, но и студената вода ја затегнува кожата! Туширајте се со што повеќе ладна вода и колку што можете да издржите, а површината на телото погодена од целулит прскајте ја со што е можно поладна вода најмалку 5 минути. Ефектот ќе ве остави без зборови!