Ја обожаваат жени од сите генерации.
Без разлика дали станува збор за пократки варијанти на боб, боб со патец на средината или ултра шик асиметрични варијанти, популарноста на оваа трендовска фризура не згасна со години, а оваа сезона е на самиот врв.
Секоја сезона, се појавуваат нови варијанти на омилената фризура, на многу жени, кои многупати го покажаа својот безвременски карактер.
Легендарниот боб, кому му беше верна со децении и најпознатата модна уредничка во светот, Ана Винтур, е една од оние фризури со кои едноставно не можете да згрешите, особено во лето, кога никој не е воодушевен од идејата на фенирање или пеглање на косата.
Во моментов, апсолутен хит е краткиот боб, кој беше актуелен во 90-тите години.
За разлика од класичниот боб, овој боб е пократок и со слоевито засечени краеви за да постигне поголем волумен. Ако се сомневате во оваа фризура, не грижете се – сигурно нема да имате многу работа со стилизирањето бидејќи е пожелно косата да не е совршено фенирана.