Подобрете го изгледот на вашата кожа преку ноќ
Ги знаете оние утра кога ќе се разбудите со отечено лице и изразени темни кругови и црвенило. Сето ова главно е последица на лошите навики и потези што ги правиме пред спиење.
За да спречите тоа да се повтори и да се разбудите со совршен тен, следете ги овие чекори пред да одите во кревет:
Користете благ чистач (без масло)
Покрај редовното, но умерено миење лице, треба да бидете сигурни дека користите соодветно средство за чистење. Грануларни сапуни или оние со силни хемикалии, исто така, можат да ја исушат кожата, а сувата кожа тогаш почнува прекумерно да произведува природно масло, што може да доведе до уште поголем проблем. Затоа, користете благ чистач, но без масло со состојки препорачани од дерматолозите, како што се бензоил пероксид или салицилна киселина.
Направете пилинг
Одличен е за одржување на здрава кожа, отстранување на мртвите клетки и овозможување на кожата да дише.
Користете серуми богати со антиоксиданти
Антиоксидансите помагаат во неутрализирање на слободните радикали кои го уништуваат колагенот. Побарајте серуми богати со витамини Е и Ц, ресвератрол …
Не се туширајте со врела вода
Иако топлиот туш е релаксирачки, високите температури можат да ја оштетат вашата кожа и да ги отстранат нејзините природни масла. Исто така, по туширањето не се бришете грубо, туку со тапкање со крпата.
Направете масажа на лицето
Не само што чувството е добро, туку масажата на лицето го забавува стареењето. Циркулацијата се зголемува, и колку повеќе кислород влегува во кожата, толку повеќе колаген ќе се создаде.
Спијте на свилена перница
Свилата нема да ја иритира кожата, па ќе се разбудите наутро без трагови.