Што открива одењето во тоалет за вашето здравје и состојбата на вашиот имунолошки систем?
Сите се прашуваме како природно да го зајакнеме имунитетот, но повеќето од нас тргнуваат од претпоставката дека тој е веќе баш како што треба, а не дека можеби е веќе ослабен.
Сигналите дека вашиот имунитет е ослабен се многубројни и разновидни, еден од нив има врска со одење во тоалет!
Најголемиот дел од нашиот имунолошки систем, дури 70 проценти, се наоѓа во желудникот и цревата. Токму овој систем на органи ќе ни укаже дека нешто не е во ред, велат експертите.
Колку често одите во тоалет?
Ако вашиот одговор е „премногу често“, може да имате проблем со вишок бактерии во вашето тело. Во микробиомот има илјадници бактерии, но нарушувањето на нивната рамнотежа исто така ќе го наруши имунитетот. Една од нив, клостридиоидис дистицил, е во цревата во релативно мала количина. Но, ако се „размножи“ премногу, не само што ќе ве присили почесто да ги празните цревата, туку и при тоа празнење, ќе се исфрлат добри бактерии, кои треба да останат во организмот.
Ако не одите во тоалет доволно често, можеби ви недостасуваат некои бактерии. Едно истражување открило дека луѓето кои ретко вршат голема нужда, имале пониско ниво на бифидобактерии во примероците на столицата.