Секој невакциниран човек е потенцијален суперпреносител.
Суперсојот на коронавирусот може да се појави следната година и секое невакцинирано лице е потенцијален суперпреносител, рече имунологот Саи Реди од Швајцарскиот федерален институт ЕТХ Цирих денес и предупреди дека ковид-22 може да биде многу поопасен од постојниот.
Швајцарскиот имунолог рече дека комбинацијата на постоечките соеви може да резултира со нови, поопасни мутации и поопасна фаза на пандемијата. „Ковид-22“ може да биде многу поопасен од она на што сме сведоци сега “, предупреди Реди.
Затоа, вели тој, ќе биде неопходно да се направат повеќе вакцини во следните години, „можеби до крајот на животот“.
Зборувајќи за швајцарски „Блик“, швајцарскиот научник рече дека поради соеви како Делта, „ова веќе не е ковид-19“ и предупреди дека секој што ќе одбие да се вакцинира, ќе биде заразен во одреден момент.
„Количината на патогени што Делта ја носи со себе е толку голема што секој што не е вакциниран може да биде супер вектор“, нагласи Реди. Тој додаде дека бројот на пациенти ќе се зголеми на есен и предвидува враќање на рестриктивните мерки во некои земји.
„Многу е веројатно дека ќе се појави вирус против кој нема да можеме да се потпреме само на вакцинација. Затоа, ние мора да се подготвиме за неколку вакцини во следните години, а вакцините ќе мора да се прилагодат на новите мутации”, рече Реди.
Научникот изјави дека бета и гама соевите делумно можат да избегнат антитела, додека „делта е многу позаразна, но не разви механизми за избегнување на антитела“.