Лекувањето на дијабетесот е важно, бидејќи во спротивно може да доведе до сериозни последици
Која е разликата помеѓу дијабетес тип 1 и дијабетес тип 2?
Инсулинот е клучен хормон за регулирање на шеќерот во крвта. Кај дијабетес тип 1, телото воопшто не лачи инсулин. Кај луѓето со дијабетес тип 2, инсулинот се лачи, но не ја извршува својата функција добро. Без инсулин, шеќерот не стигнува до клетките и не може да им даде енергија. Наместо тоа, останува во крвотокот.
Кои се причините за дијабетес тип 1?
Генетиката може да игра улога во развојот на дијабетесот, но и не мора. Понекогаш се случува едниот близнак да има дијабетес, а другиот не. Ова ни укажува дека и околината игра голема улога во тоа.
Сепак, не се знае точно што е клучно од нашето опкружување за развој на дијабетес тип 1. Некои студии велат дека доењето ја намалува можноста за развој на дијабетес тип 1, но дури и тоа не е доволно истражено.
Кои се симптомите на дијабетес тип 1?
Ние не ја знаеме вистинската причина за оваа болест, ниту знаеме како може да се спречи дијабетес тип 1. Сепак, можеме да ги препознаеме симптомите со цел да спречиме појава на дијабетична кетоацидоза, состојба што го става лицето во опасност од смрт.
Дијабетесот може да се препознае:
- Жед
Често мокрење, потреба бебето постојано да менува пелени, ако детето мокри во кревет иако научило да користи нокшир
- Слабост
- Замор
Сите пациенти ги развиваат овие симптоми. Висок шеќер во крвта се излачува преку урината, што доведува до премногу често мокрење, а со тоа и прекумерна жед. Тогаш голема количина јаглехидрати се излачува од телото, така што лицето останува без енергија. Како резултат на тоа, слабеете.
Како се лекува дијабетес тип 1?
Дијабетес тип 1 не може да се излечи, но може да се третира и да се држи под контрола. Во повеќето случаи, ова се прави со давање инсулин. Важно е редовно да го мерите нивото на шеќер во крвта.