Се повеќе и повеќе наши интеракции со други луѓе се случуваат виртуелно, а особено преку социјалните мрежи. Компаниите и трговците поединци го знаат ова многу добро, поради што тие секоја година го зголемуваат својот буџет за промоција на Фејсбук, Инстаграм, Твитер и други популарни платформи.
Сепак, постои начин да се постигнат добри резултати на социјалните мрежи, во смисла на зголемување на бројот на лајкови и коментари на објавите, како и нивно споделување, без да се трошат дополнителни средства за промовирање на објавите. Решението, имено, лежи во објавување на содржини во периоди кога луѓето посветуваат најголемо внимание на социјалните мрежи. Овие периоди не се секогаш исти за секоја од социјалните мрежи, што подетално ќе ги опишеме подолу.
На Фејсбук најдобро е да објавувате во вторник, среда и петок од 9 до 13 часот. За време на овие периоди, вашите објави ќе достигнат најголем број луѓе и ќе добиваат најмногу реакции. Од друга страна, саботата е најлошиот ден за објавување на содржина, па затоа треба да избегнувате да ги промовирате вашите производи и услуги во овој ден од неделата.
На Инстаграм, социјалната мрежа каде што најмногу се рекламираат дизајнери, уметници и угостители, промотивната содржина најдобро е да се поставува во вторник од 11 до 14 часот и секој втор работен ден околу 11 часот. Недела е најлошиот ден за промоција на оваа социјална мрежа.
Идеален период за објавување на Твитер за промотивни цели е од 9 до 15 часот во среда. Добри резултати се постигнуваат со твитање во вторник и четврток од 9 до 11 часот. Твитањето во сабота не се препорачува, затоа што тогаш луѓето најмалку реагираат на објавите.