Оваа намирница го намалува ризикот од рак за 45 проценти: „Дури и мала количина пружа голема заштита!“

24 април, 2021
Woman,Cutting,Mushrooms,On,Wooden,Board

Нова студија би можела да биде корисна во понатамошно истражување на заштитните ефекти на печурките и промовирање на поздрава исхрана.

Резултатите од новата студија придонесуваат за растечки докази за придобивките од печурките во намалувањето на ризикот од рак.

Имено, американски експерти анализирале 17 студии за рак објавени помеѓу 1966 и 2020 година, со цел да се утврди врската помеѓу потрошувачката на печурки и болести. Тимот откри дека консумирањето на само 18 грама печурки дневно го намалува ризикот од заболување за 45 проценти. Квантитативно, тоа би била една печурка со средна големина.

Неколку студии претходно го поврзаа внесувањето на печурки со намален ризик од рак, вклучувајќи рак на простата и грлото на матката, пишува Daily Mail.

Професорот Џон Ричи од Penn State Institutе за карцином тврди дека 18 грама е „многу груба проценка“, иако податоците сугерираат дека колку повеќе печурки јадеме, толку е помал ризикот од развој на рак.

„Достапните методи што се користат за проценка на процентот на печурки во нечија диета се предмет на големи промени. Исто така, нивоата може многу да се разликуваат во зависност од видот на печурките и од тоа дали и како се готват “, додаде професорот.

Најголем ефект врз рак на дојка

Познато е дека печурките се добар извор на протеини, витамини, минерали, влакна и антиоксиданти. Тие веќе долго време се користат во лекови во Азија, но нивните потенцијални здравствени придобивки само во последниве децении се одвиваат целосно.

Се поголем број на студии сугерираат дека печурките имаат антиинфламаторно и антиоксидантно својство. Особено значаен е ерготиоеин, единствена антиоксидантна и антиинфламаторна супстанца што луѓето не можат сами да ја синтетизираат, а најмногу ја има во печурките.

„Внесувањето на антиоксиданси во организмот може да помогне да се заштити од оксидативен стрес и да се намали ризикот од рак“, објасни коавторот на студијата др. Џибрил М. Ба.

Печурките шитаке, остриги, маитаке и кралски буковки содржат поголеми количини на ерготионин отколку шампињоните. И покрај ова, студијата открила дека испитаниците кои вклучиле било каков вид печурки во нивната секојдневна исхрана, имаат помал ризик од карцином.

Научниците забележале најголем ефект врз ракот на дојка, но Ба тврди дека студиите генерално не вклучиле други видови на рак.

Ново истражување би можело да биде корисно во понатамошно истражување на заштитните ефекти на печурките и промовирање на поздрава исхрана.