Престанете да си го скратувате задоволството за храната што навидум е лоша за вашето здравје.
Нутриционистката Сара Фавер за „Daily Mail“ изјави дека мислењата дека масната храна како жолчки, млеко или путер се лоши за организмот се почитуваат со години, па затоа се свртевме кон преработена храна на глобално ниво, за која подоцна се докажа дека е уште поштетна.
– Едноставно е – јадете необработена храна во нивната оригинална форма – објаснува Сара и додава дека самата храна не дебелее, туку додатоците во неа како што е шеќерот.
Компир
Скробната храна најчесто се наоѓа на обвинителна клупа, бидејќи ја зголемува количината на шеќер во крвта, но компирот е исклучок. Еден компир со средна големина ви дава до 50% од дневната потреба од витамин Ц, 30% од витамин Б6 и 25% од калиум. Компирот е богат со калциум, магнезиум, фосфор, витамин Б и цинк. Младите компири имаат понизок гликемиски индекс, што значи дека не можат да дебелеат.
Јајца
Го избегнувате познатиот селски појадок (јајца и сланина) затоа што го зголемува нивото на лош холестерол. Но, тоа е непотребно, бидејќи јајцата се многу хранливи, што ви дава поголемо чувство на ситост од другите намирници, кои обично ги јадеме за појадок (производи од бело брашно).