Преубав гест на славниот актер: Испрати видео порака до момче кое боледува од рак (ВИДЕО)
Момче кое е обожавател на славниот актер страда од рак и Кронова болест
Рајан Рејнолдс е познат како личност која сака да им ги исполнува желбите на своите фанови, па често знае да ги изненади.
Овој пат, славниот актер е многу трогнат од доживотната борба на единаесетгодишно момче кое се бори со зла болест. Рајан сними видео порака во која му порача дека му испраќа многу сила и љубов:
– Сакам да знаеш дека мислам на тебе, ти испраќам многу љубов и сила. Сета сила што ја имам. Човече, има многу луѓе што те сакаат толку многу. Знам дека минуваш низ тежок период, знам дека ова е огромен предизвик за тебе, но сакам да знаеш – Броди, можеш да се справиш со тоа. Држи се – рече актерот.
Мајката на момчето за американските медиуми откри каква е реакцијата на нејзиниот син по видеото и додаде дека сега се чувствува како да е „филмска sвезда“. Таа му се заблагодари на Рајан за хуманиот гест што го направи за нејзиниот син.