Кили Шеј Смит (58) и Пирс Броснан (68) се познати како еден од најхармоничните и најомилените парови, а заедно се 27 години.
Новинарката кој му помагаше на актерот во најболните моменти од животот, пред неколку дена е снимена во ретко излегување без сопругот. Кили купуваше козметика во Малибу, а носеше цветен фустан и сандали.
Таа ги игнорираше папараците на кои беше навикната во текот на животот со Пирс и бројните „удари“ кои ги добиваше од јавноста. Парот се венча во 2001 година и ги доби синовите, манекенката Парис (20) и актерот Дилан (24), а Кили беше мета на критики кога се здебели и не беше повеќе витката жена што шеташе со Броснан на црвените теписи.
Нејзиниот сопруг секогаш цврсто стоел покрај неа и ѝ кажувал колку ја цени. Тој истакна дека никогаш не му бил потребен супермодел туку вистинска жена со која ќе има здрав однос со многу љубов и разбирање. Снимаше со голем број убавици, а неговата сопруга немала причина да се чувствува загрозено бидејќи другите не го интересираа.
„Ја сакам нејзината виталност, нејзината страст. Кога Кили ќе ме погледне, таа секогаш ме соборува од моите нозе и ги чувствувам колената како ми потклекнуваат“, објасни Пирс и ги воодушеви жените ширум светот. Тој своевремено откри и дека не можел да биде со сопругата доколку таа подлегнала на пластична операција и истакнал дека и се заканил дека ќе ја остави доколку се оперира.
„Пријателите и понудија операција за да ја намали тежината. Но, силно ја сакам секоја облина на нејзиното тело… Таа е најубавата жена на светот во моите очи. Најдов прекрасна сопруга во Кили Шеј. Да барам повторно, нема да можам да најдам толку добра за милион години“, изјави Пирс.
Инаку, Пирс ја запозна Кили три години откако ја загуби својата прва сопруга Касандра Харис, која почина во 1991 година од рак. Броснан и таа биле во брак од 1980 година, а тој ги посвои нејзиниот син Кристофер (48) и ќерката Шарлот. Тие го добија и синот Шон (38) кој се занимава со глума.
Броснан и Шеј Смит се запознале во 1994 година во кафуле во Мексико и се заљубиле, а таа му помогнала да преживее болен период и да го извлече од депресијата, како што самиот често кажувал. Таа беше голема поддршка и кога неговата ќерка Шарлот почина во 2013 година на 42-годишна возраст од рак на јајниците исто како и нејзината мајка Касандра. Броснан има прекар за својата сопруга и ја нарекува „своја девојка“ додека зборува за неа.
