На 15 април годинава поп-пејачката Џенифер Лопез (51) и Алекс Родригез (45) објавија дека ја раскинуваат свршувачката и дека решиле да останат пријатели.
„Со нетрпение очекуваме да останеме пријатели и да продолжиме да се поддржуваме едни со други“, рекоа тие.
Иако пред неколку дена беа видени на заедничка вечера во луксузниот хотел „Бел Ер“ во Лос Анџелес, пензионираниот бејзбол играч се чини дека се фокусира на други работи, освен на поранешната свршеница.
Тој објави слика на Инстаграм со „пред и потоа“ споредувајќи како изгледал во декември 2020 година и како изгледа денес, во април 2021 година.
„Го оставив телото на стар татко во 2020 година“, напиша тој.
Неколку дена претходно, тој се пофали со мускулите на фотографија, потврдувајќи дека примил втора доза на вакцина КОВИД-19. Неговите обожаватели во коментарите веќе забележаа дотогаш дека Алекс изгледа добро.
„Тој трицепс скоро ќе скрши игла“, напиша еден.
Во својата објава каде се фали со резултатите од слабеењето, тој не откри колку килограми е полесен, но напиша дека планира да продолжи со остварувањето на целите за фитнес оваа година.
„Конечно ги оставив чипсовите“, призна тој.
Покрај вежбањето, поранешниот спортист го користи слободното време и да се дружи со своите ќерки Наташа (16) и Ела (13).
