Посветлата боја на косата по корона вирусот е поврзана со фактот дека некои делови од меланоцитите, клетките што произведуваат пигмент меланин, биле подложени на имунолошки напад, претпоставува рускиот доктор за болести на косата.
Оваа ретка промена се појави после прележан ковид на две жени од Санкт Петербург и една од Москва, објави рускиот портал „Фонтанка“.
Триесет и двегодишна жителка на Санкт Петербург отишла на фризер откако прележала ковид и се покажало дека бојата на косата и се променила-се осветлила за две или три нијанси.
„Мојата коса станува посветла. Фризерот рече дека должината на новата коса одговара на периодот кога имав ковид, а јас никогаш не ја фарбав косата “, тврди жената.
Слична работа му се случила и на стилистот од Санкт Петербург, Алекс, кој открил дека неговата 22-годишна клиентка, откако го прележала корона вирусот, почнало да расте коса која е за една или половина нијанса посветла.