Колку и некои да ја исмејуваат, Ким Кардашијан е сериозна и упорна во намерата да стане адвокат. Сепак, на патот, и покрај славата и парите, како и секој вистински студент, таа се соочува со препреки, а една од нив е прикажана во новата епизода на реалното шоу „Keeping Up With the Kardashians“.
Имено, Ким посетува правна школа, во посебен аранжман што е достапен во САД само во неколку држави. Наместо три, нејзиното училиште трае четири години, а по првата полага таканаречен „мал правосуден испит“, според некои, многу потежок од последниот.
Ким, за жал, не го помина – мораше да има минимум 5,60 поени за да помине, додека нејзиниот резултат беше 4,74.
„Јас сум пропаст…Поминав шест недели во учење, десет до дванаесет часа на ден … За мене беше многу важно да го положам ова и сега кога паднав, волјата ми е уништена. Сакам да се откажам“, рече Ким во шоуто, а ја тешеа нејзините сестри.
„Тато би бил многу горд во секој случај“, ѝ рече нејзината постара сестра Кортни, осврнувајќи се на фактот дека нивниот покоен татко, Роберт Кардашијан, бил познат адвокат.
Ким со сестрите ги сподели своите сомнежи за полагање на испит повторно. Таа е измачувана од голем број семејни обврски, вклучувајќи снимање на најновите епизоди од нивното реално шоу, како и славење на нејзиниот 40-ти роденден. „Не знам дали имам сила од самиот почеток“, се пожали студентот Ким.