Лурдес Леон, 24-годишната ќерка на Мадона и Карлос Леон, го имаше своето модно деби на годинешната Мет Гала.
Иако нејзината мајка Мадона не присуствуваше на престижниот настан во Њујорк што сигурно ќе го одбележи септември, Лурдес, позната и како Лола, повторно најде начин спектакуларно да привлече внимание. Знае и таа да го прави тоа!
Храброто издание на Лурдес започна со пинк стајлинг: таа искомбинира бикини топ со здолниште што одговара, а двете парчиња се украсени со бројни светки и го носат потписот на Москино, односно креативниот директор на оваа модна куќа, Џереми Скот.
Сепак, гардеробата не привлече толку внимание колку она што сакаше да го нагласи Лурдес, а тоа е – коса. Таа припаѓа на кампот кој ја нагласува природата на женското тело, па затоа не сака и не поддржува депилација, дури и кога станува збор за такви модни настани кои се паметат. Лурдес гордо ги покажа пазувите, рацете, позираше пред камерата …
Инаку, таа неодамна се појави на насловните страници на септемврискиот Вог.
„Луѓето мислат дека сум богат човек без талент на кој му е дадено се, но не сум“, рече таа тогаш. Таа додаде дека самата ја плаќала школарината за колеџ и одлучила да живее далеку од Холивуд, во уметничкиот кварт Бушвик во Бруклин.
