Зад нас е уште едно доделување на „MTV VMA“ наградите, а сите медиуми беа преплавени со фотографијата на Меган Фокс (35) во целосно проѕирен фустан. Дојде придружувана од нејзиното момче Машин Ган Кели (31) со кого разменуваше страсни бакнежи.
За Меган се вели дека е секси, дека има најзгодно тело во Холивуд, но и многу непријатна природа и многу мал талент за глума. Поради сето тоа, деновиве таа се претвори во совршена придружба на своето момче, музичар.
Дојде на црвениот тепих „облечена“ во целосно проѕирен фустан, под кој се гледаа танга гаќичките и бујните гради.
Тука немаше место за имагинацијата, бидејќи се беше покажано.
Откако стапи во врска со Кели, Меган е цел на папараците кои ја следат во чекор што многу и се допаѓа. За да продолжи таквата пракса, актерката им дава на папараците разни материјали во форма на провокативно однесување, но и облекување.
Кога го запозна Кели, Меган веднаш поднесе барање за развод од актерот Брајан Остин Грин, со кого има три деца.
