Дру Баримор: “Мајка ми ме смести во психијатрија на 13 години, таа создаде чудовиште…”

Во психијатриската установа немаше шега. Ако правевте глупости, ќе ве фрлеа во изолирана просторија или ќе ви го ограничеа движењето со врзување – рекла славната актерка.

Американската актерка Дру Баримор (46) неодамна беше гостинка во радио емисијата на Хауард Стерн и по тој повод откри дека била на психијатрија кога имала 13 години и дека нејзината мајка ја испратила таму бидејќи тоа билa „невозможна“.

Дру започнала да глуми од рана возраст и брзо станала една од најголемите холивудски детски sвезди.

-Се забавував во клубови, не одев на училиште, го украдов автомобилот на мајка ми, бев тотално надвор од контрола – изјави 46-годишната актерка.

Покрај тоа, таа додаде дека 18 месеци била во психијатриската установа Ван Нојс и објасни зошто нејзината мајка Џејд Баримор ја сместила во таква институција.

-Таа создаде чудовиште и не знаеше што да прави со мене. Тоа беше нејзиниот очаен обид и јас навистина бев надвор од контрола. И простувам за таквиот избор. Таа веројатно почувствува дека нема кому да се обрати – додаде Дру.

-Немаше шега. Ако правевте глупости, ќе ве фрлеа во изолирана просторија или ќе ви го ограничеа движењето со врзување – рече актерката, која после тоа не разговараше со нејзината мајка некое време, но подоцна се смирија.

Актерката и sвездата на филмовите „Е.Т.“, „Ангелите на Чарли“, „50 први бакнежи“ и на многу други денес разбира зошто нејзината мајка го сторила тоа.

„Ја разбирам денес, чувствувам доброта и емпатија кон неа“, рече Дру.

И покрај застрашувачкото искуство, таа вели дека престојот во психијатриска установа е најдоброто нешто што можело да и се случи затоа што тоа многу ја „смирило и разладило“, за да стане личност каква што е денес.

За потсетување, познатата актерка во понеделникот, 22 февруари, наполни 46 години и откри дека „никогаш не сака да оди на естетски операции“ со цел да го задржи својот младешки изглед, бидејќи „би се навлекла, и не би можела да застане и на крај би изгледала како Жозлин Вајлденштајн “.