Многу непријатен симптом што обично не знаеме зошто се појавува. Која е причината за „грутка во грлото“?
Дали некогаш сте имале чувство како да ви застанала грутка во грлото која никогаш не може да исчезне? Пиете вода, голтате „суво“, но чувството останува? Ова е вообичаен проблем што се појавува навидум „од никаде“, и нешто повеќе кај жените отколку кај мажите, и иако воопшто не е болно, може да биде многу непријатно и што е уште поважно, опасно.
Руската докторка Ирина Ескова објасни дека чувството на грутка во грлото може да биде симптом на сериозна болест, а опасноста од таков симптом се зголемува кога станува збор за инфекции.
„На пример, кај ангина, воспалителниот процес може да доведе до едем, гној, а тоа може да предизвика задушување и опструкција на дишните патишта, што е многу опасно“, објаснува Ескова за руските медиуми.
Во овој случај, советот е лицето веднаш да посети лекар. Ескова истакна дека ваквите симптоми може да се појават и кога има онколошки заболувања. Во овој случај, постојат потешкотии со дишењето, јадењето и пиењето.
Ако се појави во комбинација со потење, може да биде знак за мозочен удар, повреда на мозокот и невроинфекција.
Ирина Ескова објаснува дека овој симптом укажува и на проблеми со тироидната жлезда, ‘рбетот и гастроинтестиналниот тракт.
Она што многумина го игнорираат е фактот колку стресот влијае на нашето физичко здравје, а чувството на грутка во грлото е честа последица на овој проблем. За среќа, овој симптом обично исчезнува по добар одмор.