Дали скалите на илустрацијата се бели или сиви: Нова оптичка илузија го полуде интернетот

Некои луѓе гледаат бели скали со сив ѕид, додека други гледаат сиви скали со бел ѕид

Оптичките илузии најчесто се тука за да не забавуваат, па често се предмет на дискусија на Интернет. Последната илузија која се шири меѓу корисниците на социјалните мрежи предизвика една таква дебата.

Имено, некои луѓе гледаат бели скали со сив ѕид, додека други гледаат сиви скали со бел ѕид.

Ако гледате само бели скали, обидете се да ја свртите сликата. Направете го истото ако гледате само сиви скали.

Откако се обидел да ги погледне скалите од различни агли, еден човек напиша:

– Како и да погледнам, изгледа како бели скали со сив ѕид.

И друг коментираше дека скалите се бели, а ѕидот сив.

Факт е дека и двете лица, односно сите кои ја набљудувале илузијата се во право, а трикот е во тоа од која положба ја гледате илузијата – доколку ја промените перспективата, односно уредот од кој ја набљудувате, ќе забележите дека скалите се сиви, а ѕидот бел.